Janë valë që transportojnë energjinë gravitacionale të çliruar nga trupat astronomikë, kur shpërthejnë, përplasen apo janë në lëvizje ndaj njëri-tjetrit. Ato mund të kapen e vrojtohen vetëm kur këta trupa astronomikë kanë masa shumë të mëdha.  Raste tipike janë vrimat e zeza apo yjet neutronike, në rrotullim ndaj njëri-tjetrit. Përplasja e tyre shkakton një “rrudhosje” të hapësirës dhe kohës. Kjo “rrudhosje”, që përhapet me shpejtësinë e dritës, është vala gravitacionale.